RASUL PANUTAN UTAMI
-=[16]=-
السلام عليكم ورحمة
الله وبركاته
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ,
وَنَعُوْذُ بِاللهِ مِنْ شُرُوْرِ اَنْفُسِنَا وَسَيِّئَاتِ أَعْمَالِنَا, مَنْ
يَهْدِ اللهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ. أَشْهَدُ
أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ, وَأَشْهَدُ َأَنَّ
مُحَمَّدًا عَبْدُهُ وَرَسُوْلُهُ. اَللَّهُمَّ
صَلِّ وَسَلِّمْ عَلَى مُحَمَّدٍ وَعَلَى اَلِهِ وَأَصْحابِهِ وَمَنْ وَالاَهُ,
وَمَنْ تَبِعَهُمْ بِإحْسَانٍ اِلَى يَوْمِ الْدِّيْنِ.
يَآَيُّهَا
الَّذِيْنَ أَمَنُوْا اتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ
وَأَنْتُمْ مُسْلِمُوْن. يَآيُّهَا النَّاسُ اتَّقُوْا رَبَّكُمُ الَّذِيْ
خَلَقَكُمْ مِّنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا
رِجَالاً كَثِيْرًا وَنِسَآءً وَاتَّقُوْا اللهَ الَّذِيْ تَسَآءَلُوْنَ بِهِ
وَاْلأَرْحَامَ إِنَّ اللهَ كَانَ عَلَيْكُمْ رَقِيْبًا.
يَآيُّهَا الَّذِيْنَ ءَامَنُوْا اتَّقُوْأ
اللهَ وَقُوْلُوْا قَوْلاً سَدِيْدًا, يُصْلِحْ لَكُمْ أَعْمَالَكُمْ
وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوُلَهُ فَقَدْ فَازَ
فَوْزًا عَظِيْمًا. فَإِنَّ أَصْدَقَ الْحَدِيْثِ كِتَابُ اللهِ وَخَيْرَ
الْهَدْيِ هَدْيُ مُحَمَّدٍ صَلَى اللهُ عَلَيْهِ وَسَلَّمَ وَشَرَّ اْلأُمُوْرِ
مُحْدَثَاتُهَا وَكُلُّ مُحْدَثَةٍ بِدْعَةٌ وَكُلُّ بِدْعَةٍ ضَلاَلَةٌ وَكُلُّ
ضَلاَلَةٍ فِيْ النَّارِ.
Hadirin Jama’ah Jum’ah rahimakumullah,
Sumangga, kula dherekaken sesarengan sami
ajrih dhumateng ngarsanipun Allah
Swt. kanthi
nindakaken sedaya dhawuhipun lan nilar sedaya pepacuhipun. Sumangga kita sami
nggadhahi rumaos bilih sedaya solah bawa saha pangandikan kita tansah
dipunpirsani dening Allah
Swt. Mugi-mugi kanthi
punika gesang kita tansah wilujeng wiwit ing donya ngantos benjang wonten ing
akhirat.
Salawat saha salam mugi tansah
dipunparingaken Allah Swt. dhumateng junjungan kita Nabi Muhammad saw., saha
para kulawarga, para shahabat, para pendherekipun ingkang sami manut mituhu ndherek
dhawuhipun ngantos benjang wonten ing akhirat. Amin yra.
Ma’asyiral Muslimin rahimakumullah,
Nnglenggana
lan sadhar wontenipun Allah punika mujudaken fitrahing sadaya manungsa. Kangge
nyumurupi Allah boten cekap namung pasrah dhumateng kesadharan wontenipun
Allah. Manungsa namung saged nyumurupi wontenipun Allah kanthi leres, manawi
Allah kepareng hanglilani nyumurupaken lan paring dhawuh lumantar
pangandikanipun kangge nerangaken sinten Allah punika. Para Rasul punika
ingkang piniji nyumurupaken Allah lan ngajak sadaya manungsa manembah dhumateng
Allah lan boten nyekuthokaken dhumateng sanesipun.
Allah Swt. dhawuh:
“Lan sejatine Ingsun wis ngutus Rasul marang saben-saben umat
(supaya ngundhangake): “Manembaha sira kabeh marang Allah, lan ngedohana
Taghut, mangka ana sadhengah umat iku uwong-uwong kang diwenehi pituduh dening
Allah lan ana uga sadhengah uwong-uwong kang wis pesthi kesasar kanggone
dheweke. Mula padha mlakuwa sira kabeh ing lumahe bumi lan sawangen kepriye
pungkasane wong-wong kang padha nggorohake (para utusan).” (QS. An-Nahl
[16]:36).
Jama’ah Jum’ah ingkang dipunmulyakaken
Allah Swt.
Niyat tumindak kasaenan ugi sampun dipun-gadhahi sedaya manungsa. Awit saking punika tumindak kasaenan wonten
ing Al-Qur’an dipunsebat “makruf”, artosipun salah satunggaling perkawis
ingkang sampun dipunsumurupi. Namung caranipun kados pundi tumindak kasaenan
punika dipuntindakaken, manungsa taksih mbetahaken pitedah kados pundi
caranipun nindakaken.
Sawenehing tiyang ingkang sadhar, bilih wonten Dzat Ingkang
Maha Nitahaken lan Maha Kuwaos, badhe saged nggadhahi krenteg manembah
dhumateng Allah. Namung kados pundi caranipun manembah, manungsa mbetahaken
pitedah, bimbingan, tuladha, saha panutan ingkang baku.
Allah Swt. paring dhawuh:
$tBur
ã@Å™öçR
tûüÎ=y™ößJø9$#
žwÎ)
tûïÎŽÅe³u;ãB
z`ƒÍ‘É‹ZãBur
(
ô`yJsù
z`tB#uä
yxn=ô¹r&ur
Ÿxsù
ì$öqyz
öNÍköŽn=tã
Ÿwur
öNèd
tbqçRt“øts†
ÇÍÑÈ
“Lan ora nate Ingsun
ngutus para Rasul kuwi mung kejaba kanggo maringi khabar
kang nyenengake lan maringi pepenget. Sapa wahe kang iman lan agawe bagus,
mangka ora ana kuwatir tumrap dheweke lan dheweke (uga) ora bakal susah atine.”
(QS. Al-An’am [6]:48).
Ma’asyiral Muslimin rahimakumullah,
Inggih para Rasul punika ingkang maringi
conto lan tuladha, kados pundi caranipun nindakaken tumindak kasaenan ingkang
dipunridloi Allah Swt.. Kados pundi caranipun ngibadah manyembah dhumateng
Allah Swt., kedah kados ingkang dipundhawuhaken Allah Swt., lan boten
sakersanipun piyambak.
Tiyang saget kemawon damel cara kados pundi caranipun
tumindak kasaenan lan ngibadah, namung kemawon mesthi boten badhe dipunridloi
Allah Swt., jalaran boten cocok lan sami kaliyan pitedahipun Allah Swt. lan
contonipun Rasulullah. Nanging manawi kita kersa nyonto lan manut saha nuladani Rasul anggen kita tumindak kasaenan lan
ngibadah, mesthi kemawon badhe dipuntampi lan dipunridloi Allah Swt.. Tanpa
dherek dhawuh, bimbingan, lan nuladha Rasul, mesthi boten dipunridloi Allah Swt.
Maksudipun badhe tumindak kasaenan lan ngibadah, nanging dipuntolak lan boten
dipuntampi malah kepara
boten dipunridloi Allah Swt.
Allah Swt. paring dhawuh:
“Sejatine wis ana ing
(tindak-tanduke) Rasul-lullah iku (wujude) panutan (patuladhan) kang bagus
tumrape sira kabeh (hiya iku) tumrape wong kang ngarep-arep (antuk rahmate)
Allah lan (tekane) dina Kiyamat lan dheweke akeh (anggone) nyebut asma Allah.” (QS.
Al-Ahzab [33]: 21).
Rasulullah saw. ugi paring dhawuh:
مَنْ عَمِلَ عَمَلاً لَيْسَ عَلَيْهِ اَمْرُنَا فَهُوَ
رَدٌّ.
“Sing sapa
wong kang nglakoni suwijining perkara kang ora tau tak
contoni, mula perkara kuwi mau bakal den tolak.”
وَاِيَّاكُمْ
وَمُحْدَثَاتِ اْلأُمُوْرِ فَاِنَّ كُلَّ مُحْدَثَةٍ بِدْعَةٌ وَكُلَّ بِدْعَةٍ
ضَلاَلَةٌ.
“Aja nganti
sira kabeh padha nganak-nganakake bid’ah lan perkara-perkara kang anyar.
Satemene saben-saben perkara kang anyar kuwi bid’ah, lan saben-saben bid’ah
kuwi sasar.”
Ma’asyiral Muslimin rahimakumullah,
Kados
sampun cetha, bilih para Rasul punika satunggaling manungsa piniji ingkang
mesthi kedah dipunconto lan dipunidholakaken. Nanging kasunyatanipun, kathah
tiyang ingkah langkung kasengsem lan ngidholakaken tokoh-tokoh sanesipun.
Punapa malih tiyang ingkang sanget anggenipun remen kadonyan lan ajrih pejah (hubbud
dunya wa karahatil maut). Piyambakipun sanget anggenipun nggumuni lan
nyonto panggesanganing idholanipun.
Wiwit cara wicantenanipun, solah bawa, lan anggenipun ngagem busana kemawon dipunconto. Manawi kemawon
piyambakipun nggadhahi pamanggih manawi niru lan nuladhani Rasul punika
dadosaken ketinggalan zaman.
Ma’asyiral Muslimin rahimakumullah,
Tumrapipun
tiyang ingkang nggadhahi iman, Rasul punika mujudaken panutan lan patuladhan ingkang
utami lan dados idhola tumrap panggesanganipun. Wonten ing pribadinipun Rasul
punika kathah sanget patuladhan ingkang kedah dipun-nut lan dipunconto. Punika
kala wau ingkang kawastanan Sunnah Rasul. Allah swt. dhawuh:
“Ï%©!$#ur
uä!%y`
É-ô‰Å_Á9$$Î/
s-£‰|¹ur
ÿ¾ÏmÎ/
y7Í´¯»s9'ré&
ãNèd
šcqà)GßJø9$#
ÇÌÌÈ
“Lan pawongan kang nggawa bebener
(Muhammad) lan benerake, hiya iku
wong-wong kang wedi (marang Allah).” (QS. Az-Zumar [39]:33).
Ma’asyiral Muslimin rahimakumullah,
Kanikmatan
hakiki punika boten ingkang awujud kenikmatan ing donya. Nanging kanikmatan ingkang badhe kita raosaken manawi panggesangan
lan pangibadahan kita namung lelambaran iman lan namung pados ridlanipun
Allah Swt.. Caranipun inggih kanthi nyonto lan nuladhani
saha manut mituhu dhumateng dhawuhipun Allah Swt. lan Rasul-Ipun. Inggih punika
kanthi nggesangaken sadaya sunnah-sunnahipun, insya-Allah kita badhe gesang
begja mulya lan kebak barakah wiwit ing ngalam donya punika ngantos benjang
wonten ing ngalan akhirat.
بَارَك
اللهُ لِيْ وَلَكُمْ فِى الْقُرْآنِ الْكَرِيْمِ, وَنَفَعَنِيْ وَاِيَّاكُمْ بِمَا
فِيْهِ مِنَ اْلاَيَاتِ وَالذِّكْرِ الْحَكِيْمِ, وَتَقَبَّلَ مِنِّيْ وَمِنْكُمْ
تِلاَوَتَهُ إِنَّهُ هُوَ الْسَّمِيْعُ الْعَلِيْمُ.
-=(hms)=-
No comments:
Post a Comment